Əlbətdəki diş ağrısı zamanı edəcəyimiz ilk iş bu sahə üzrə mütəxəssisə müraciət etmək olmalıdır. Amma bəzən bu ağrılar ele bir şəraitdə və elə bir zamanda baş verir ki, diş həkiminə müraciət etməyə imkan yaranmır. Bu halda kömək edə biləcək vasitələrdən istifadə etmək lazımdır. Təəssüf ki, əksər insanlar vasitələri düzgün qaydada istifadə etmir. Bu məqaləmizdə diş ağrıları zamanı həkimə müraciət edənədək bu ağrıların qarşısını necə ala biləcəyimizi müzakirə edəcəyik. Sizə bir neçə üsulu təqdim edirik:
1. İlk öncə xalq təbabəti üsullarından istifadə etmək olar. Misal üçün,  hər 2 saatdan bir ağzınızı duz məhlulu ilə qarqara edə bilərsiz (2-3 çay qaşığı duz + 200-250 qr ilıq su). Və yaxud adaçayı (sürvə) otun dəmləməsi ilə qarqara (2 çay qaşığı ot 250 ml qaynar su ilə 15 dəq. ərzində dəmlənir və otaq temperaturuna qədər soyudulur) edə bilərsiz.

2. Bu üsullar kömək etmədiyi halda ağrıkəsici bir həb qəbul etmək olar Allergiyaya yol açmadığına əmin olduqdan sonra tox qarnına ağrı kəsici istifadə etmək. Qeyd edək ki, bu zaman ağrılar 10-30 dəqiqə sonra kəsəcək.
Qeyd: Ağrıkəsiciləri heç bir zaman ağrıyan dişin üzərinə qoymayın onu yalnız su ilə içərək qəbul edin.
3.  Diş ağrısı ilə birlikdə üz və çənə hissəsində şiş yaranarsa bu zaman həmin bölgəyə buzla kompres etmək həm ağrının həm də şişin qarşısını ala bilər.

4. Əgər diş ağrısına səbəb çürüklərdirsə bu zaman dişin çürük hissəsində toplanıb qalmış qıda artıqları təmizlənməsı və fırçalıanması məsləhət görülür.
Hətta diş ağrısı tam keçdiyi və ya azaldığı halda mütləq yaxın bir zamanda diş həkiminə müraciət edin! Diş ağrısından xilas olmağın ən yaxşı üsulu – keyfiyyətli və müasir diş pastaları ilə dişlərin gündə 2 dəfə düzgün təmizlənməsi və ildə 2 dəfə olmaqla stomatoloqun müayinəsindən keçməsidir.